USA hevur meira ella minni keypt upp framleiðsluna av koronaheiliváginum Remdesivir, skrivar The Guardian.
Øll juli-framleiðslan er keypt av USA, umframt 90 prosent av august- og septemberframleiðsluni.
Restin av heiminum, millum annað ES, noyðist tí at bíða minst tríggjar mánaðir eftir at fáa Remdesivir, sum er annar av tveimum heilivágum við effekt móti covid-19.
– Trump forseti hevur gjørt eina framúr deal til tess at tryggja at amerikanarar fáa fyrsta góðkenda heilivágin móti Covid-19, sigur heilsumálaráðharrin Alex Azar sambært The Guardian.
– Vit tryggja at allir amerikanskir sjúklingar sum hava tørv á Remdesivir fáa tað. Trump-administrasjónin ger alt sum stendur í hennara mátti til tess at læra meira um lívbjargandi heilivág móti covid-19 og at tryggja atgongd til hesar møguleikar fyri amerikanska fólkið, segði hann skrivar VG.
Um tú veitst okkurt, sum VP ikki veit - skriva so til vp@vp.fo