Frá CO2 til grøna orku. Tórshavnar kommuna skipar fyri Umhvørvisviku fyrst í mai, og tá verður eisini farið ein túr við Norðlýsinum til Nólsoyar. Motorurin verður sløktur og seglini vundin upp. Siglt verður út á Hósmøl, har ferðafólkini fara í land. Hósmøl er á vestursíðuni á Nólsoynni, og ofta verður sagt, at Hósmøl er sólríkasta stað í Føroyum.
Á túrinum verður greitt frá notum og øðrum plantum, ið vaksa á økinum. Á Hósmøl verða notur heintaðar, og síðani verður gingið heim í bygdina, har møguleiki verður fyri at grilla notupitsur.
Norðlýsið siglir úr Nólsoy og inn til Havnar aftur.
Farið verður úr Vágsbotni klokkan 14.
Ferðaleiðari verður við á túrinum, sum er ein miðal tungur túrur. Verið væl skødd og takið ein drekkamunn við. Túrurin er ókeypis.
Tilmelding á torsinfo@torshavn.fo ella tlf. 30 24 25.
GG! Túrurin klokkan 14 er fullteknaður, og ein eyka túrur verður klokkan 16. Avmarkað pláss.
Um tú veitst okkurt, sum VP ikki veit - skriva so til vp@vp.fo
