Eg havi onki ímóti at liva í eini mannfólkaverð, soleingi eg sleppi at vera kvinna í henni
- Marilyn Monroe

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Lesarin skrivar

Eg fegnist eg um, at lønarsáttmálin hjá Starvsmannafelagnum við Kommunala Arbeiðsgevarafelagið nú loksins er góðkendur. Tað vistu vit øll fór at verða endin av hesum tragikomiska sjónleiki.

So tað er gott – sera gott.

Bert spell at eitt av størstu fakfeløgum okkara hevur verið brúkt sum statistur í hesum ódámliga leiki millum tveir høvuðskambar í Fólkaflokkinum, Anniku Olsen, borgarstjóra og Jørgen Niclasen, landsstýrismann.

Bæði hava tey vitað frá fyrsta degi, at tað er púrasta burturvið at hugsa sær, at limir í Starvsmannafelagnum, sum arbeiða fyri Kommunala Arbeiðsgevarafelagið, skulu fáa lægri løn enn tey, sum gera sama arbeiði fyri landið.

Bæði hava tey røkt sína egnu veljarafjøld í hesum margháttliga leiki. Og bæði hava tey fingið rúma fjølmiðlatíð til eina søgu, sum øll kendu endan á frá fyrsta degi.

Gott at Starvsmannafelagið helt fast um síni sjálvsøgdu rættindi!

Helena Dam á Neystabø, býráðslimur í Tórshavnar Kommunu

Um tú veitst okkurt, sum VP ikki veit - skriva so til vp@vp.fo