Fiskamarknaður Føroya heldur, útlitini fyri komandi vikuna vera hampulig.
Streymurin verður góður og veðrið verður eisini gott tað mesta av vikuni, so helst verður nakað av útróðri. Fiskaríið er smáligt og teir fiska mest av hýsu.
Tvey línuskip fiska mest av longu og brosmu og koma helst at landa síðst í vikuni. Ein línubátur er á Føroya Banka og kemur at landa miðskeiðis í vikuni. Hann hevur mest hýsu og longu. Tey flestu frystilínuskipini eru til fiskarí.
Flestu partrolararnir eru eisini til fiskiskap. Teir fiska upsa og so nakað av hjáveiðu. Teir landa sum vikan gongur. Fiskaríið er smáligt, tó fær okkurt parið okkurt gott hál av og á.
Um tú veitst okkurt, sum VP ikki veit - skriva so til vp@vp.fo