Vágatíðindi
Vága kommuna hevur samtykt at keypa húsini hjá Sannu Johannesen í Miðvági.
Húsini standa við síðuna av Heiminum á Sýnini við Kálvalíðvegin.
Nú Heimið á Sýnini verður umvælt, verður arbeitt við at gera avtalu við Heimatænastuna í Vágum um, at Heimatænastan kann leiga húsini, inntil umvælingin er liðug.
Arbeitt verður eisini við at gera avtalu við Heimatænastuna um leigu av gomlu kommunuskrivstovuni í Miðvági og hølum í niðastu hædd í Miðgarði.
Heimatænastan í Vágum fer ein av fyrstu døgunum at kunngerða, hvussu húsast verður, meðan umvælingarnar á Sýnini verða gjørdar.
Um tú veitst okkurt, sum VP ikki veit - skriva so til vp@vp.fo
