Hold og lyndi hava ikki altíð sama lit
- V. Poulsen

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Lesarin skrivar

Nú Atlantic Airways og Smyril Line eftir vegleiðing frá Visit Faroe Islands brúka stuðulin til ferðavinnuna at lata donskum pensjónistum og heilsustarvsfólki, so er teimum eisini hepnast í samráð við føroysku heilsumyndugleikarnar at broyta strongu smittureglurnar.

Danskir og føroyskir myndugleikar hava í fleiri mánaðir ávarað um, hvussu avgerandi atferðin hjá vaksineraðum kann vera.

Men nú er alt broytt – føroysku heilsumyndugleikarnir kunngerða nú, at frá 1. apríl sleppa tey, sum eru liðugt vaksinerað, og tað eru 8 dagar síðan seinna prikið, undan tilmælinum um 6 daga sóttarhald.

Samstundis sita føroyskir yvirlæknar í sjónvarpinum við gráturødd og boða frá, at vaksinerað einsvæl kunnu bera smittu sum onnur.

Hetta verður nú kveistrað av borðinum og vaksineraðir danir kunnu nú trokast saman í Kastrup, fylla seg við brasilianskari ella suðurafrikanskari smittu, fyri tveir tímar seinni at spáka út av flogvøllinum og luttaka í gerandislívinum uttan sóttarhald.

Ókeypis annan vegin – goldið av føroyska skattgjaldaranum, sum situr í fongsli í egnum landi.

Gamaní skulu tey taka eina roynd, men hon vísir sjálvandi onki, tey eru jú vaksinerað.

Men tey kunnu bera smittuna við sær kortini á so mangan annan hátt.

Sera ónøgdur skattgjaldari

Hetta er eitt lesarabræv. Meiningar og sjónarmið í lesarabrævinum eigur tann ið skrivað hevur. VP leggur nógv í talu- og skrivifrælsi. Tí eru allar meiningar vælkomnar, bara tær eru innanfyri karmarnar á revsilógini og fjølmiðlaetisku leiðreglunum. VP loyvir í ávísan mun dulnevndum lesarabrøvum, tá veit redaktiónin hvør hevur skrivað.

Um tú veitst okkurt, sum VP ikki veit - skriva so til vp@vp.fo