Tíðliga í gjáramorgunin fór ein tilburður fram á kampingplássinum Niðri á Møl í Eiði, sum nú er endað sum eitt politimál.
- Ein maður framdi harðskap ímóti vaktarmanninum á kampingplássinum og rýmdi síðani av staðnum. Harðskapurin var so mikið álvarsligur, at vaktarmaðurin mátti undir læknahond, greiðir vaktleiðarin á politigarðinum í Havn frá.
Politiið fór á staðið við hundi, og tað gekk ikki long tíð til harðskapsmaðurin var funnin.
- Hann er nú avhoyrdur og skuldsettur í málinum. Eisini leita vit eftir fartelefonini hjá vaktarmanninum, sum hvarv tá hendingin fór fram. Hana hava vit ikki funnið enn, sigur vaktleiðarin á politigarðinum.
Um tú veitst okkurt, sum VP ikki veit - skriva so til vp@vp.fo