Nú Løgtingið er farið í summarfrí og vælferðarlógin ikki var samtykt, er veikasti borgarin sleptur upp á fjall.
Vælferðarlógin skuldi tryggja at: Borgarin skal eggjast, stimbrast og stuðlast til at hava so sjálvstøðugt lív sum gjørligt og at borgarin skal hava ávirkan á tilgongdina og innihaldið í teim tænastum, sum honum verða tillutaðar og veittar. (kelda: Borgarin takast uppá ráð)
Kunnu vit sum samfelag liva við tí?
Eingin trygd er fyri at Vælferðalógin verður løgd fram aftur í einari komandi tingsetu.
Stórur vandi er tí fyri, at alt tað arbeiði og orka, ið fakfólk og onnur hava lagt í arbeiðið, er til einkis.
Føroya Pedagogfelag heitir á Løgtingið um at koma saman aftur og fáa samtykt lógina.
Føroya Pedagogfelag
Hetta er eitt lesarabræv. Meiningar og sjónarmið í lesarabrævinum eigur tann ið skrivað hevur. VP leggur nógv í talu- og skrivifrælsi. Tí eru allar meiningar vælkomnar, bara tær eru innanfyri karmarnar á revsilógini og fjølmiðlaetisku leiðreglunum. VP loyvir í ávísan mun dulnevndum lesarabrøvum, tá veit redaktiónin hvør hevur skrivað.
Um tú veitst okkurt, sum VP ikki veit - skriva so til vp@vp.fo
