Tað eru vánalig koyrilíkindi fleiri staðni kring landið, serliga á landsvegunum.
Bygdaleiðir og Oyggjaleiðir hava avlýst fleiri túrar fyribils, tí koyri- og siglilíkindini eru so vánalig nógvastaðni.
Ein stórur lastbilur er farin tvørur við Gøtueiðið, og hann tarnar ferðsluni, men arbeitt verður við at fáa hann leysan aftur, sigur landsverk. Tað er ikki koyrandi til Gjáar og sera ring koyrilíkindi eru á Elduvíkarvegnum.
Neyvt yvirlit fæst á heimasíðuni hjá Strandferðsluni.
Útlit eru fyri vánaligum líkindum í morgin eisini. Tað verður nógvur vindur, kalt og avfall, helst sum kavi, so ivaleyst eisini nógv jarðrok. Ættin verður ímillum vestan og útsynning, so líkindini vera ringast har sum tað er ábært.
Um tú veitst okkurt, sum VP ikki veit - skriva so til vp@vp.fo