Heilsufrøðiliga Starvsstovan ávarar nú fólk ímóti at brúka maisgreyt til pinkubørn av slagnum Semper, tí vandi er fyri metalstykki eru í vøruni. Vøran er seld í fleiri handlum í Føroyum og er óegnað til mannaføði av somu orsøk. Vøran eigur at burturbeinast ella tú kanst fara í handilin, har hon er keypt, og lata hana innaftur, sigur HFS á heimasíðuni.
Hetta er aðruferð í 14 dagar at Heilsufrøðiliga ávarar um tað sama. 31. juli var tað eitt sonevndt Pizzkit við tomatsós frá Coop, sum FK handlarnir høvdu selt, sum varð afturkallað. Orsøkin var hin sama: Metalstykki kundu koma fyri í tomatsósini, sum tí ikki eigur at verða brúkt til mannaføði.
Um tú veitst okkurt, sum VP ikki veit - skriva so til vp@vp.fo