Varaløgmaðurin á Jersey, hann eitur Lyndon Farnham (myndin), er so mikið skelkaður av hendingini í Føroyum herfyri, tá gott og væl 1400 springarar vórðu hildnir til í Skálafirði, at hann ikki ætlar at standa tigandi og hyggja at.
- Lond sum bera seg soleiðis at, og onga virðing vísa, hava onki at gera í sivilieraða heiminum, og eg ætli mær at gera mítt til, at Føroyar verða útihýstar frá Oyggjaleikunum og annars øllum diplomatiskum viðurskiftum til føroyingar hava broytt atburð, sigur Lyndon Farham, senatorur, við miðilin ITV News.
Hann fær stuðul frá øðrum politikarum á bretsku oynni í Ermasundi, eins og djóraverndarfólki á Guernsey.
Um tú veitst okkurt, sum VP ikki veit - skriva so til vp@vp.fo
