Í morgin bert lítið lot millum landsynning og útsynning. Turt og hitin um 6 stig.
Týsdagin og mikudagin mestsum stilli, kanska ein ond høgt, tað verður turt og eisini onkur sólløta um middagsleitið ella tíðliga seinnapart báðar dagarnar, tað kølnar spakuliga, úr 6 stigum týsdagin niður í 2 stig mikudagin.
Hósdagin, tollaksmessudag, verður eitt sindur frískari vindur av høgari eysturætt, hitin um 4 stig men turt fyri tað mesta.
Fríggjadagin, jólaaftan, frískur vindur av landnyrðingi og hitin um 1-2 stig, kanska okkurt kavaæl um náttina.
Næsta vikuskifti, tað vil siga fyrsta og annan jóladag, kemur eitt sindur meira av avfalli, ættin verður millum útnyrðing og landnyrðing og sami hiti, millum 0 og 2 stig.
Um tú veitst okkurt, sum VP ikki veit - skriva so til vp@vp.fo
