Tað verður fitt av vindi í morgin afturat, síðani verður mestsum stilli og kalt seinnu helvtina av vikuni ið kemur.
Veðrið í morgin fer at líkjast nógv tí í dag. Burtursæð frá einum skáa í kvøld og fram til nakað eftir midnátt verður ættin útsynningur, strúkur í vindi ella hvassur vindur, okkurt smávegis ælstroyggj og hitin um 7 stig.
Týsdagin bert fleyr til gul lágt, sól ella sólglottar, hitin 6-7 stig.
Mikudagin kemur hann høgt, nakað frískari vindur, okkurt æli um middagsleitið, annars turt og tað kølnar, sum frálíður niður ímóti frostmarkinum.
Hósdagin fyrst landnyrðingur, seinni eystan, men bert ein ond, sólglottar og hitin um frostmarkið.
Fríggjadagin ornar aftur, tá kemur hann av suðri, andøvsgul, sólglottar, hitin um 4 stig.
Leygardagin gul til andøvsgul lágt og hitin upp í 7 stig og sunnudagin upp í strúk í vindi av beinum vestri, sólglottar men móti kvøldi regn og hitin um 6 stig.
Um tú veitst okkurt, sum VP ikki veit - skriva so til vp@vp.fo