Mølheyggjarnir Heima á Sandi eru veruliga sjáldsamir og onga aðra staðni í Føroyum hevur tú slíkt umhvørvi. Á Mølheyggjunum er sera stórt margfeldi av blómum og vøkstrum og skordýrum. Tiðliga gjørdist greitt, at Mølheyggjarnir eru ein dýrgrípur, sum mátti verjast og blivu Mølheyggjarnar friðaðir.
Tað sigur seg sjálvt, at vakra økið altið hevur drigið fólk til sín, men við skjótt vaksandi ferðamannavinnuni í Sandoy er nú vandi á ferð. Dag og dagliga um summarið er hópurin av fólki, sum gongur í Mølheyggjunum og tað verður spælt og gingið uttan fyrilit fyri vøkstir og longu nú sæst árinið á sjáldsama marhálmin sum bindir sandin, hann verður traðkaður burtur. Eisini økið á Sandafløtunum frammanfyri Mølheyggjarnar, sum er friðað, verður nýtt til parkeringsøki og sum týnir allan upprunavøksturin har.
FNÚ heitir á avvarðandi mynduleikar m.a. sýslumannin og Sands kommunu at taka stig til at verja mølheyggjarnar móti óskipaðari gongd í økinum. Gøtur í lendinum er ein møgulleiki. Eisini verður heitt á Sýslumannin at forða fyri, at bilar koyra oman í friðaða økið við Mølheyggjarnar.
Mølheyggjarnir eru ogn allra okkara og mugu verjast.
Tórshavn, 13 August,
Føroya Náttúru og Umhvørvisfelag (FNU)
Hetta er eitt lesarabræv. Meiningar og sjónarmið í lesarabrævinum eigur tann ið skrivað hevur. VP leggur nógv í talu- og skrivifrælsi. Tí eru allar meiningar vælkomnar, bara tær eru innanfyri karmarnar á revsilógini og fjølmiðlaetisku leiðreglunum. VP loyvir í ávísan mun dulnevndum lesarabrøvum, tá veit redaktiónin hvør hevur skrivað.
Um tú veitst okkurt, sum VP ikki veit - skriva so til vp@vp.fo
