Tað ljóðar sum ein andsøgn. Men gevur helst kortini góða meining, tí vatnið, sum kemur inn í reinsiverkið, í løtuni er sera gruggut av øllum avfallinum sum hevur verið síðstu nátt og í dag.
Vestmanna Kommuna skrivar á facebook, at vatnverkið hevur trupulleikar av at framleiða nóg nógv reint vatn, og heitt verður á borgararnar um at spara.
- Á vatnreinsiverkinum fer vatnið m.a. gjøgnum nøkur sandfiltur, sum reinsa vatnið. Sandfiltrini verða reinsaði við reinum vatni, sum er í goymslubrunnunum. Vanliga er ríkiligt av vatni í brunnunum, men nú er sera lítið eftir, tí sandfiltrini vera returskolað konstant við reinum vatni úr goymslubrunnunum fyri at reinsa tað sera grugguta vatnið sum kemur inn, skrivar kommunan, og heitir á fólk um at spara vatn.
Um tú veitst okkurt, sum VP ikki veit - skriva so til vp@vp.fo
