4. jóladag verður forvitnisligt tiltak í Sandágerði. Tiltakið, ið ber heitið Vetrardypp, gevur luttakandi møguleikan at njóta vælveruna úti í náttúruni eftir nakrar dagar um jólaborðið.
Dagurin byrjar við yoga. Tað er Marianna Vang Simonsen frá Javnvág, sum kemur at hita upp við yoga, áðrenn tey luttakandi í felag leypa á bláman.
Eftir kalda dyppið verður møguleiki fyri at fáa hitan aftur í einum av heitu pottunum, sum eru settir upp í Sandágerði til tiltakið.
Bjargingarfólk vera á staðnum.
Vetrardypp í Sandágerði verður mánadagin 28. desember frá klokkan 13 til 16.
Tað er morgunbólkurin í Sandágerði, sum saman við Visit Tórshavn skipar fyri tiltakinum.
Um tú veitst okkurt, sum VP ikki veit - skriva so til vp@vp.fo