Tórshavnar kommuna: Komandi vikuna fara vit at hátíðarhalda, at myrka tíðin fer aftur um bak, og at vit nú ganga ímóti ljósari tíðum - bæði so og so.
Vetrarljós 2021verður skipað á ein øðrvísi hátt enn undanfarnu árini. Í fjør vóru fleiri túsund fólk savnað í býnum. Her upplivdu tey bergtakandi ljósverk, hoyrdu livandi tónleik, fóru á listaveiði við lummalykt, lýddu á upplestur, tóku lut í rullandi busskonsertum og mangt annað spennandi.
Í ár ber ikki til at savna nógv fólk saman sum í fjør. Men býurin verður prýddur við litríkum ljósi til okkum øll at njóta.
Fyri at øll fáa høvi at uppliva serliga huglagið í býnum, er vetrarljósið í ár tendrað í eina samfulla viku.
Vetrarljós er eitt samstarv ímillum Visit Tórshavn, Tórshavnar kommunu og fleir onnur í býnum. Hetta er áttanda árið á rað, at Vetrarljós verður hildið í Tórshavn.
Vetrarljós verður frá 6. februar - 14. februar. Tiltakið tendrar klokkan 17.
Hetta kanst tú uppliva:
Listasavn Føroya - List í myrkri (bara leygardagin 6. februar)
Norðurlandahúsið - Listaverk eftir Nayab Ikram í Kringluni verður lýst upp og sæst uttanífrá
Grasagarður - Livandi og litrík trø í myrkri
Niels Finsens gøta - Litrík gongugøta
Tinghúsgarðurin - Leikandi ljós
Vágsbotnur - Ljósramma
Havnar Kirkja - Framsíðan verður livandi við ljósi og tónleiki
Um tú veitst okkurt, sum VP ikki veit - skriva so til vp@vp.fo