Tað var á eini konserferð í Føroyum fyri nøkrum árum síðani at tónleikararnir í Passepartout duoini, sum vóru her saman við íslendska komponistinum Hafdís Bjarnadóttir, fingu hugskotið til at gera tónleik burturúr ljóði sum hevur samband við seyð.
- Eg ætli at taka upp ljóð sum hevur samband við seyð, og eg ætli eisini at spæla guitar fyri seyðinum og taka upp, sigur Hafdís við Morgunblaðið, sum eisini verður endurgivið í Iceland monitor.
Hon greiðir somuleiðis frá, at hon hevur spurt bøndur, hvørji ljóð seyði dámar, og teir hava greitt henni frá, at tað serliga er ljóðið sum seyður setur í samband við fóðring, honum dámar.
- So tað verður eisini við, sigur hon.
Tey ætla, at verkið skal vera liðugt í summar, og tá koma tey eisini til Føroya at hava konsertir.
Um tú veitst okkurt, sum VP ikki veit - skriva so til vp@vp.fo
