Bilverkstaðið Carro í Sandavági er í nátt fullkomuliga oyðilagt av eldi. Ongin fólkaskaði hendi.
Fráboðanin kom umleið klokkan tvey í nátt, og sløkkilið frá Vágum og Kvívík tóku lut í arbeiðnum at sløkkja.
Hitin var so nógvur, at fólk vórðu flutt úr grannahúsunum.
Klokkan var áleið fýra tá eldurin var sløktur, men enn í morgun er heitt á staðnum, segði vakthavandi á politistøðini í Havn við útvarpið í morgun.
Enn er ógreitt hví eldurin kyknaði.
Um tú veitst okkurt, sum VP ikki veit - skriva so til vp@vp.fo