Tað verður heldur illfýsi veður men eisini onkur góður dagur í vikuni sum kemur.
Í dag verður fitt av vindi og eisini okkurt regnæli. Mesti vindurin verður um middagsleitið, so minkar hann og í morginári lot til frískan vind av útsynningi, framvegis okkurt æli men eisini sólglottar.
Týsdagin fer at regna, og sum frálíður upp í hvassan vind ímillum landsynning og útsynning.
Mikudagin verður nógvur vindur lágt allan dagin, onkur sólglotti men eisini nógv regnæl.
Hósdagin samregn, sunnan sum fer upp í vestan, hvassur vindur ella skrið.
Fríggjadagin makar hann vindin nakað, hann fer niður í sunnan aftur og tað slítur í.
Leygardagin hvassur vindur ella skrið av suðri ella útsynningi.
Hitin alla vikuna ímillum 6 og 8 stig.
Um tú veitst okkurt, sum VP ikki veit - skriva so til vp@vp.fo
