Meira lættført er at takka fyri lítið enn fyri nógv
- úr Børkuvísum

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Vinna

Vinnuhúsið: Almenna koronatilbúgvingin hevur megnað at stýrt og organisera á ein slíkan hátt, at alt tað føroyska samfelagið hevur lurtað og tikið tilráðingarnar frá nevndini til sín.

 

Alt bendir á, at hetta hevur eydnast væl, og at vit hava tamarhald á smittuspjaðingini, men tilráðingarnar hava eisini havt síni hjáárin, tí virksemið í stórum pørtum av føroyska samfelagnum er minkað niður í einki. 

 

Føroya Arbeiðsgevarafelag fer tí at mæla myndugleikunum til at brúka koronatilbúgvingina sum fyrimynd til eina tilbúgving nummar tvey, hvørs endamál verður at forða fyri, at koronatiltøkini fáa ov ógvusligar avleiðingar fyri føroyska samfelagsbúskapin, soleiðis at vinnan sleppur best møguliga ígjøgnum og burtur úr koronakreppuni.

 

Uppgávurnar hjá tilbúgvingini verða m.a., at fáa yvirlit yvir støðuna, finna fram til, hvørjar fyritøkur hava brúk fyri bráðfeingis hjálp, tí tær hava verið noyddar at leggja virksemið niður undir korona­undan­taksstøðuni, og hvussu samfelagshjólini kunnu koma upp aftur í ferð, tá ið føroyska samfelagið byrjar at lata upp aftur.

 

Fleiri privatar fyritøkur eru longu komnar illa fyri, tí tær hava tikið samfelagsábyrgd og sæð seg noyddan at lukka virksemið niður, fyri at fylgja tilmælunum frá myndugleikunum, um at forða koronasmittuna at spjaða seg.

 

Hesar eiga ikki at verða slept upp á fjall nú. Tær eiga at fáa eina vón um at yvirliva, tá ið koronakreppan hasar av, og vanligi gerandisdagurin byrjar aftur. Eitt yvirlit má tí fáast yvir støðuna beinanvegin, soleiðis at rætti heilivágurin kann gevast teimum fyritøkum, ið eru komnar serliga illa fyri av koronakreppuni.

 

Føroya Arbeiðsgevarafelag fegnast tí um, at myndugleikarnir hava boðað frá, at hjálparpakki 2, sum serliga vendir sær til hesar fyritøkur, nú verður fyrireikaður.

 

Tað hevur samstundis skund, at hyggja longur fram í tíðina, soleiðis at vit eisini hava ein handlingsætlan, hvussu samfelaghjólini fáast upp aftur í ferð, tá ið samfelagið fer at lata uppaftur.

 

At fáa føroyska samfelagið at hóra undan koronakreppuni og koma í gongd aftur, verður eitt felags átak fyri alt tað føroyska samfelgið.

 

Um tú veitst okkurt, sum VP ikki veit - skriva so til vp@vp.fo