Danska rættarsamfelagið, sum tað føroyska er partur av, er heimsins besta, sigur felagsskapurin World Justice Project í síni ársligu frágreiðing, har 139 lond verða viðgjørd í einum "Rule of Law Index". Men tað er onki nýtt, tí tað er sjeynda árið á rað, at Danmark fær heiðurin, skrivar danska Domstolsstyrelsen í tíðindaskrivi.
Parametur sum grundleggjandi rættindi, onki mutur og borgarligur rættur verða máld og vigað og í fimm av átta parametrum fær Danmark besta skotsmálið. Hini norðurlondini koma í hølunum á Danmark.
Í hinum endanum finna vit lond sum Venesuela, Demokratiska lýðveldi Kongo og Kambodja. Samlaða sæð er rættartrygdin í heiminum eisini versnað, tí 74,2 prosent av londunum hava fingið verri rættartrygd ímóti 25,8 prosentum har bøtt er um rættartrygdina.
Um tú veitst okkurt, sum VP ikki veit - skriva so til vp@vp.fo