Í gjár var Gunvør Balle, varaborgarstjóri og forkvinna í mentamálanevndini á vitjan í Skúlanum og Frítíðarskúlanum við Løgmannabreyt. Undir vitjanin fekk forkvinnan høvi at heilsa uppá næmingar og starvsfólk, síggja fakstovur, skúlastovur, frítíðarskúla, uttanduraøkir og felagshølir í snotuliga bygninginum, ið nú hevur gott 8 ára á baki.
Eisini greiddu Morten Hust, leiðari á Frítíðarskúlanum og Høgni Joensen, skúlastjóri frá virkisgrundarlagi, stevnumiðum, fakligum viðurskiftum o.a.
Í Tórshavnar kommunu eru 10 kommunalir fólkaskúlar við tilsamans uml. 3000 skúlabørnum. Skúla- og frítíðarskúlaøkið er málsøkið hjá mentamálanevndini.
Á myndini síggjast Jón Kragesteen, varaskúlastjóri, Beinta Dalbø, leiðari á Barna- og ungdómsdeildini, Morten Hust, frítíðarskúlaleiðari, Gunvør Balle, varaborgarstjóri og forkvinna í mentamálanevndini, Høgni Joensen, skúlastjóri og Sigurð Ó. Vang, mentamálaleiðari.
Um tú veitst okkurt, sum VP ikki veit - skriva so til vp@vp.fo
