Øll ganga og skelva í brókunum, tí kinesarar ætla okkurt. Teir hava verið í Tinganesi og...ja, tað vita vit ikki, hvørji ørindini vóru. Men Kringvarpið veit, og tað hevði so mikið nógv uppá seg, at "føroyingar eiga at fáa at vita hvat tað er sum gongur fyri seg", hava vit eisini fingið at vita.

Kringvarpið gjørdi tó tann feil at gera tingini "eftir bókini" sum tíðindaleiðarin har velur at orða seg, og ikki bara siga føroya fólki tað, sum Krinvarpið veit, og sum hevur so stóran týdning, at øll hava krav uppá at verða kunnaði. Við at lata Tinganes vita, at Kringvarpið veit, opnaðist eisini møguleikin fyri at leggja út fótonglar, so søgan varð steðgað við fútabanni.

Tankarnir leita aftur til kalda kríggið, tá ymiskt hendi í loyndum og føroyskir politikarar nærmast frábóðu sær at fáa ov nógv at vita.

Hvat er tað sum kinesarar ætla? Hótta teir við handilsstongsli ímóti føroyskum laksi um vit slíta samstarvið við Huawei? Ella ætla teir at keypa Føroyar?

Tinganes veit. Og Kringarpið.

Vit onnur mugu gita.

Man freistast til at halda, at kanska hevur hetta ikki so nógv uppá seg kortini.

Ella kanska hevur tað.

Óansæð - hetta er ikki nóg gott.

Kringvarpið eigur at tæna Palliba fyrst og fremst.

Ella bara tiga.

Tað meinar VP.