Mangan hevur verið funnist at Kringvarpinum, at tað ikki dekkar onkra hending her í Føroyum, ella onkran stóran dag hjá kongshúsinum í Danmark, men tá ið fólkaatkvøður eru um loysing, so er Kringvarpið beinanvegin á staðnum við fleiri fólkum.
Hevur Kringvarpið eina politiska missjón?
Ella er hetta alneyðug kunning fyri allar føroyingar at vita hvussu gongst í Katalonia upp undir - sambært sponsku stjórnini og dómstólum - ólógligu fólkaatkvøðuna?
Hví var Kringvarpið ikki í Kurdistan?
Kringvarpið var manssterkt í Skotlandi, tá ið fólkaatkvøða var har um loysing, og nú aftur á ferð í Katalonia í sambandi við fólkaatkvøðu um loysing.
Fáir norðurlendskir miðlar hava sent fólk oman til Katalonia, men føroyska Kringvarpið hevur nú verið har í fleiri dagar.
VP spyr, hvat lesarin og kringvarpsgjaldarin heldur.
Hetta er ein oddagrein. VP hevur frælslynta sjónargrein, sum stundum kemur til sjóndar í oddagreinunum.
Um tú veitst okkurt, sum VP ikki veit - skriva so til vp@vp.fo
