Zlatan Ibrahimovic er ikki við, men Arsenal-venjarin Arsène Wenger heldur ikki at uppgávan verður lættari fyri tað í stórdystinum í morgin móti Manchester United.
Fraklendingurin hevur ongantíð vunnið á José Mourinho, og ger sína tólvtu roynd nú, men er ikki vísur í at vinna, tí hann óttast Marcus Rashford.
– United hevði helst ynskt at havt Ibrahimovic við, men vit mangla eisini leikarar, og vit mugu minnast til at síðstu sesong var tað Rashford sum drap okkum. Ongin grund at tosa um at United er viknað, segði Wenger í dag sambært VG.
Um tú veitst okkurt, sum VP ikki veit - skriva so til vp@vp.fo