Tað er eingin orsøk at gevast at brúka AstraZeneca vaksinuna, sigur Heims Heilsustovnurin í dag.
Eisini eftirlitið hjá ES, EMA, hevur sagt at vaksinan kann brúkast meðan kanningar verða gjørdar av blóðtøppunum.
AstraZeneca sigur at eingi tekin eru um størri vanda at fáa blóðtøpp í sambandi við koronavaksinuna. Hetta byggir á eina analysu av egnum trygdardata við yvir 10 milliónum skrásetingum. Felagi sigur at færri blóðtøppar eru millum tey sum eru vaksinerað enn tað sum vanligt er.
Noreg, Danmark og Ísland eru millum londini sum fyribils eru givin at brúka AstraZeneca-vaksinuna.
Seinastu londini at gera tað sama eru Teiland og Bulgaria.
Eysturríki, Italia, Estland, Lettland, Litava og Luksemborg eru eisini fyribils givin, skrivar VG.
Um tú veitst okkurt, sum VP ikki veit - skriva so til vp@vp.fo
