Støðan í krígnum ímillum Russland og Ukraina versnar sum dagarnir ganga, og tað frættist hvønn dag frá stórum oyðileggingum og syrgiligum mannalagnum.
Sera nógv fólk koma úr øllum heiminum at hjálpa ukrainum ímóti Russlandi, sum hevur lopið á.
Í gjár segði ukrainski verjumálaráðharrin, Dmytro Kuleba, at yvir 20.000 fólk, menn og kvinnur, úr 52 ymsum londum eru komin til Ukraina at hjálpa til. Tey fara nú at verða savnað í eina serliga altjóða herdeild, segði hann. Fleiri av teimum sjálvbodnum eru amerikanskir krígsveteranar.
Samstundis ljóðaði frá russiskari síðu, at eitt stórt tal av sýriskum hermonnum eru komnir at hjálpa russum í krígnum. Hetta skulu vera fyrrverandi guerillahermenn, sum duga serliga væl at stríðast frá húsi til hús í býunum, siga russar.
Um tú veitst okkurt, sum VP ikki veit - skriva so til vp@vp.fo