Ukrainski forsetin, Volodimyr Zelenskyj, innleiddi altjóða filmstevnuna, sum á 75. sinni varð sett í Cannes í dag.

- Vit fara at vinna kríggið, segði hann í taluni, ið varð stroymd beinleiðis úr Kyiv til allar filmsgestirnar, sum fram til 28. mai fara at síggja mest áhugaverdu nýggju biograffilmarnar.

- Tað er neyðugt, at filmsvinnan ikki tegir, segði Zelenskyj.

Í livandi taluni, sum varð simultantulkað, gjørdi Zelenskyj fleiri samanberingar við Chaplinfilmin ”The Great Dictator” frá 1940.

- Teir harðrendastu einaræðisharrarnir í 20. øld elskaðu film, segði forsetin og peikaði á tað ironiska, at filmarnir um teir vóru “horrific documentaries and newsreels.”

Zelenskyj nevndi Vjetnamfilmin hjá Coppola, ”Apocalypse Now”, og knýtti til russisku innrásina, sum byrjaði um morgunin.

Dómsnevndin og allar innbodnu stjørnurnar fylgdu við í nemandi taluni.

- Eg eri vissur í, at einaræðisharrin fer at tapa, segði Zelenskyj at enda.

Hann nevndi ongantíð Putin við navni, hóast eingin ivaðist í, hvønn hann meinti við.

Talan endaði við kendu heilsanini ”Slava Ukraina” - allur heiður til Ukraina.

Les meira