Sambært forsetanum í Ukraina, Volodymyr Zelenskyj, framdi Russland 34 loftálop leygardagin 9. juli, skrivar netavísin The Kyiv Independent.
– Okkara hermenn halda áfram at verja móti russiskum álopum á fleiri mótum, sigur Zelenskyj.
Í samrøðu við Sunday Times sigur verjumálaráðharrin í Ukraina, Oleksij Reznikov, at forsetin hevur givið boð um at landsins herur, útgjørdur við vápnum frá vesturheiminum, tekur aftur hertikin øki framvið strondini. Hesi økini eru mett sera týðandi fyri ukrainska búskapin, skrivar netavísin sambært NRK.
Um tú veitst okkurt, sum VP ikki veit - skriva so til vp@vp.fo