– Tit hava framvegis ein møguleika at yvirliva, sigur forsetin í Ukraina, Volodymyr Zelenskyj í áheitan á russisku hermenninar.
– Russiskir hermenn. Tit hava framvegis ein møguleika at yvirliva. Næstan tvær vikur við mótstøðu hevur víst, at vit gevast ikki, tí hetta er okkara heim, hetta eru okkara familjur og børn.
– Um tit bara fara heim aftur, so kunnu tit bjarga tykkum. Trúgvi ikki tí sum sagt verður at tit hava ein møguleika í Ukraina. Her er einki sum bíðar tykkum, uttan fangilsi, uttan deyði. Tit taka okkara lív og lata tykkara, sigur Zelenskyj í videotaluni i áheitanina á russisku hermenninar.
– Farið úr heimum okkara! Fari heim til tykkara egnu heim! skrivar VG.
Um tú veitst okkurt, sum VP ikki veit - skriva so til vp@vp.fo
