Leggja vit saman hesa sesongina higartil og síðstu sesong, so hevur sviin skorað 76 mál fyri PSG og United, meðan Messi hevur skorað 75 mál fyri Barcelona og Ronaldo 74 fyri Real Madrid.
Zlatan Ibrahimovic (35) er í einum aldri har teir flestu leikarar gevast ella hugsa um at gera tað, men ístaðin so leikar hann fleiri dystir enn nakar annar leikari í Premier League.
Tann svenska ævinleikamaskinan hevur longu leikt 37 dystir í øllum kappingunum fyri Manchester United hesa sesongina.
Zlatan liggur á odda frammanfyri 22 ára gamla Nathan Redmond (36 dystir), 33 ára gamla Wes Morgan (35) og 23 ára gamla Paul Pogba (35).
Um tú veitst okkurt, sum VP ikki veit - skriva so til vp@vp.fo