Spælifilmurin 111 góðir dagar gongur nú í Havnar Bio. Filmurin varar 95 minuttir, og snýr seg um tveir menn, sum blíva við at hittast undir margháttligum umstøðum. Tað vísir seg spakuliga, at teir eru samantvinnaðir av onkrari hægri megi, sum teir ikki skilja.
Talan er um ein svartan skemtifilm, ið m.a. viðger yvirgangin frá ungdómi til vaksnamannalívið.
Nógv kend andlit eru við í filminum, høvuðsleikarar eru Búi Dam, Torkil Tórgarð, Mariann Hansen, Annika Hoydal og Kjartan Hansen.
Trygvi Danielsen hevur skrivað og leikstjórnað filmin, sum Pætur Marjunarson Dahl hevur framleitt í samstarvi við KVF.
Um tú veitst okkurt, sum VP ikki veit - skriva so til vp@vp.fo