Hagstovan: Síðstu átta árini hava vit havt stóran vøkstur í fólkatalinum í Føroyum. Samstundis hevur verið stórt byggivirksemi, har eisini talið av nýggjum bústøðum er økt munandi, tó ikki í sama mun sum vøksturin í fólkatalinum.
Síðani 2015 er talið av nýggjum bústøðum vaksið við 1.524 bústaðareindum, – tað veri seg sethúsum, raðhúsum og íbúðum – samstundis sum fólkatalið er vaksið við 5.609.
Eingin fullfíggjað bústaðarskráseting er. Tí verða skrásetingarnar hjá SEV viðvíkjandi gjøldum fyri (ný)íbindingar í elkervið nýttar. Við hesum fæst ein ábending um, hvussu nógvir nýggir bústaðir verða bygdir.
Til og við 2008 eru allar nýbyggingar skrásettar sum sethús. Men frá 2009 eru nýbyggingarnar bólkaðar í sethús, raðhús og íbúðir.
Í yvirlitinum sæst, at stórar broytingar eru hendar í byggiháttinum seinastu árini.
Um tú veitst okkurt, sum VP ikki veit - skriva so til vp@vp.fo
