Spard króna er vunnin króna
- Gírigur McKvagg

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Innlendis ítróttur

Hondbóltsfelagið Tjaldur: Sunnudagin á eystanstevnuni fingu vit í Tjaldri vitjan av 10 a-landsliðsleikarum. 

Hesir vandu okkara ungu leikara.  

Genturnar løgdu fyri klokkan 14, tá Lív og Vár Zachariasen, Maria Nólsoy, Lív Poulsen og Súna Krossteig Hansen stóðu fyri venjingini. Eftir at tað varna var farið av gentunum, drivu tær á í hálvan annan tíma.  

Tá stóðu dreingirnir fyri tørni. Teir fimm, Bjarni í Selvindi, Kjartan Johansen, Rói á Skipagøtu, Pauli Jacobsen og Allan Norðberg, sum allir júst eru heimkomnir eftir at hava leikt tveir landsdystir móti Japan í Japan, tóku sær av venjingini. Spentir og hugagóðir koyrdu dreingirnir á, so sveittin dreiv av teimum. 

Eftir venjingarnar tóku vit myndir og landsliðsleikararnir skrivaðu autografar, meðan foreldur fingu sær kaffi. 

Tá tiltakið var liðugt, segði ein genta, at hon elskaði at spæla hondbólt. Og ein 7ára gamal drongur, sum ongantíð hevði roynt at spæla hondbólt áður, staðfesti, at hann fór í hvussu so er at ganga til hondbólt. Fantastiskt! 

Túsund takk fyri alla hjálp í samband við tiltakið. 

Og stóra takk til Hondbóltssamband Føroya - HSF

Um tú veitst okkurt, sum VP ikki veit - skriva so til vp@vp.fo