Kaj Leo Holm Johannesen upplýsti ikki beinanvegin, hvat øll henda testingin hevur kostað landinum, men tá ið Høgni Hoydal spurdi uppaftur, segði heilsumálaráðharrin, hvat tað hevur kostað landinum.
Higartil hevur landið goldið 96 milliónir krónur, upplýsti heilsumálaráðharrin.
Tað var øllum greitt, sum hoyrdu heilsumálaráðharran svara munnliga fyrispurninginum frá Høgna Hoydal, at heilsumálaráðharrin er ikki so fegin um hesa testingina, sum verið hevur.
- Nú mugu ikki blíva for sjálvfeit. Åland testar 500 um vikuna, vit hava testað 15.000 upp á 3 dagar.
- Eg veit ikki hvat Høgni Hoydal vil, um vit skulu testa allar føroyingar einaferð um dagin.
- Skalt tú í veitslu, so nýtist ikki ein pcr-test. Fixa tað sjálvir og keyp eina kvikktest, segði heilsumálaráðharrin millum annað.
Um tú veitst okkurt, sum VP ikki veit - skriva so til vp@vp.fo