Eigararnir av gamla Barsebäck kjarnorkuverkinum í Skåne ætla at byggja eitt nýtt verk skamt frá tí gamla.
Tað sigur stjórin í felagnum sum eigur verkið, Åsa Carlson við SVT.
Barsebäck hevur ikki verið virkið síðani 2005. Men orkukreppan ger, at tað nú fer at loysa seg at útbyggja kjarnorkuna aftur. Hesaferð er tó talan um eitt verk, sum ikki bert ger kjarnorku, men eisini aðra orku sum ikki kemur úr oljulíki, eitt nú vindi, sól og brint.
- Verkið skal liggja við býin Kävlinge, sum er einar 15 kilometrar frá Barsebäck. Verkið skal vera liðugt í 2030unum, og nýggja stjórnin í Svøríki hevur sagt seg fegnast um ætlanirnar, sigur Åsa Carlson.
Um tú veitst okkurt, sum VP ikki veit - skriva so til vp@vp.fo