Seinastu tíðina hava arbeiðsmenn hjá Vágs kommunu ruddað og fríðkað um gamla fiskaplássið á Løðhamri í Vági.
Beinkir eru settir upp og stoyptur er kantur framvið sjòvarmálanum. Ætlanin er eisini at gera gøtu oman og pall/ bátabrúgv.
Roynt verður at fáa ein part av fiskaplássinum á Løðhamri klárt til Jòansøku, sum verður í Vági í ár.
Vágs kommuna hevur sett 400.000 kr av í ár til nýskapan av fiskaplássinum.
- Arbeiðið er byrjað, og úrslitið verður eitt søguligt mentarnarøki.
- Eisini er ætlanin at gera íbúðir á vestara partinum av økinum.
- Áhugi er fyri økinum, nú útbjóðingartilfarið til íbúðirnar hevur ligið alment frammi.
- Hettar er stórt framstig fyri at fáa eitt veruligt miðbýarumhvørvi í Vági, har siðsøguliga mentanin kann varðveitast við tí nýggja.
- Fiskaplássið gevur longu nú møguleikar fyri ymiskum mentanarligum tiltøkum og tað kann bara gerast betri, sigur Levi Mørk, formaður í Mentamálanevndini hjá Vágs kommunu.
Um tú veitst okkurt, sum VP ikki veit - skriva so til vp@vp.fo
