Vit ávirka ikki vindættina, men kunnu ofta seta seglini til rætta kós
- Dolly Parton

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Lesarin skrivar

Kvinnustríðið hevur snúð seg um, at kvinnur skulu starvast á jøvnum føti við menn, og vit kunnu hóskandi spyrja, í hvønn mun hetta hevur eydnast.

Kvinnur hava onnur virði, aðrar tilgongdir, annan hugsunarhátt og annað arbeiðslag, enn menn, og vit kunnu spyrja, um vit sluppu framat við tí viðførinum.

Arbeiðs- og útbúgvingarverðin er løgd til rættis av monnum, og tí fóru vit upp í eitt ólíka spæl, har spælireglurnar vóru til fyrimuns fyri annan partin, og í eina arbeiðsverð, sum vit ikki sjálvar hava havt ávirkan á.

Og jú, vit settu viðførið á trappusteinin.

Ungar gentur siga seg fara at sakna fyrimyndir.

Hvørjar fyrimyndir?

Hægra útbúgvingin brynjar kvinnuna til stólin, sum maðurin hevur designað. Eisini á vælferðarøkjunum, eitt nú, á sjúkrahúsi og dagstovnaøki.

Í øllum føri, vit síggja ikki broytingarnar til tað betra og vit síggja ikki nóg góð viðurskifti hjá kvinnuni, sum javnstøðu á líka føti ella starvsumstøður, sum vit ynskja tær, - eisini saman við børnum og húski.

Og hóast kvinnur eru virknar á øllum bygnaðarløgum, sum stjórar og leiðarar, so er púra kvirt; vit sluppu framat sum vanlig starvsfólk ella ‘akademisk feminisma’, í tann mun vit líktust monnunum mest.

Tí vassa vit í siroppi, og tí koma vit ikki víðari.

Vit mugu koma burtur frá útbúgving sum fremsta parametur, og hava fleiri kvinnur við eldsál, vilja, integriteti og persónligari tyngd, at fremja javnstøðu.

Hesar verða mangan útihýstar, - nú, bæði av kvinnum og monnum.

Latið okkum varpa ljós á hesa tvístøðu, gev okkum vísdom til at síggja munin og at rúma fjølbroytni hjá kvinnum.

Bergun Kass

Hetta er eitt lesarabræv. Meiningar og sjónarmið í lesarabrævinum eigur tann ið skrivað hevur. VP leggur nógv í talu- og skrivifrælsi. Tí eru allar meiningar vælkomnar, bara tær eru innanfyri karmarnar á revsilógini og fjølmiðlaetisku leiðreglunum. VP loyvir í ávísan mun dulnevndum lesarabrøvum, tá veit redaktiónin hvør hevur skrivað.

Um tú veitst okkurt, sum VP ikki veit - skriva so til vp@vp.fo