- Um so verður at eitt misálit kemur á uttanríkismálaráðharran, so fer Javnaðarflokkurin at taka undir við tí, sigur Aksel V Johannesen við VP.
Orsøkin er, sum Aksel V Johannesen eisini nevnir í einum fyrispurningi til løgmans, orðini hjá Jenis av Rana í Andglettinum við Miðflokkinum, har formaðurin sigur:
«Tað at liva sum sokallaður homosexuellur, tað er í stríð ímóti tí grundlóg, sum eg persónliga havi, og sum Miðflokkurin hevur, og sum eg eisini haldi, at Føroyar hava»
Aksel V Johannesen, formaður í Javnaðarflokkinum, sigur, at júst nú verður mest hugsað um fólkatingsvalið, so flokkarnir hava ikki tosað saman, men um misálit verður lagt á Jenis av Rana eftir fólkatingsvalið, so tekur Javnaðarflokkurin undir við tí.
Um tú veitst okkurt, sum VP ikki veit - skriva so til vp@vp.fo
