Fyrrverandi Nato aðalskrivarin og danski forsætisráðharrin Anders Fogh Rasmussen vitjar í Taivan í hesum døgum.
Í dag hevur hann hitt taivanska forsetan, Tsai Ing-wen.
- Eg eri her fyri at geva tykkum mín stuðul. Taivan skal sleppa at liva í friði og frælsi, og tit skulu sjálvi gera av tykkara framtíð, segði Anders Fogh Rasmussen við Tsai Ing-wen.
Støðan hevur í nógv ár verið spent ímillum Kina og Taivan, tí Kina metir Taivan sum ein samrunnan part av Kina. Í Taivan hava tey síðani 1949 hildið uppá, at landið er sjálvstøðugt.
Anders Fogh Rasmussen er í dag formaður fyri felagsskapinum Alliance of Democracies Foundation (ADF), sum ikki situr væl um sátt við Kina. Í 2021 fekk hann at vita frá kinesiskum myndugleikum, at hann er óynsktur í Kina.
Um tú veitst okkurt, sum VP ikki veit - skriva so til vp@vp.fo
