Higartil í dag er føroyska oljufelagið Atlantic Petroleum vaksið yvir 192% í virði. Tað sama hendi í gjár, tó at kursurin fall nakað aftur sum dagurin leið, og endaði á einum vøkstri uppá "bara" góð 57%.
Í tveir dagar er prísurin sostatt vaksin væl yvir 200%. Og í eina viku er prísurin handlaður upp góð 367%.
Nøgdin er tó ikki so stór - higartil í dag eru partabrøv handlað fyri gott eina millión krónur.
Atlantic Petroleum hevur ikki boðað frá nøkrum sum kann gera, at prísurin á partabrævinum veksur so ógvusliga. Tí er sannlíkt at tað er generella støðan á oljumarknaðinum sum ger, at lítla føroyska oljufelagið veksur so nógv í virði brádliga.
Um tú veitst okkurt, sum VP ikki veit - skriva so til vp@vp.fo
