Bakkafrost dettur sum ein steinur á børsinum í morgun.
Tað hendir, eftir at fyritøkan ikki livdi upp til tað sum áður er meldað út og greinarar og íleggjarar annars høvdu væntað.
Eitt skifti var kursurin heilt niðri á 650 norskum krónum, og er í skrivandi løtu á 665 norskum krónum, sum er ein døttur uppá stívliga 12% í mun til lukkikursin í gjár.
Bakkafrost boðaði í morgun frá, at úrslitið fyri triðja ársfjórðing var góðar 71 milliónir danskar krónur í mun til 103 mió kr somu tíð í fjør. TDN Infront figures skrivar, at 296 mió kr var tað sum íleggjarar høvdu sett nøsina upp ímóti.
Regin Jacobsen, stjóri, hevur fyrr í morgun greitt frá, at millum orsøkirnar eru, at avgjørt varð at taka fiskin fyrr enn upprunaliga ætlað í Haraldsundi og Viðareiði. Eisini var fellið stórt í Skotlandi.
Um tú veitst okkurt, sum VP ikki veit - skriva so til vp@vp.fo
