Bakkafrost hevði ein nettovinning í 2020 uppá 462,8 mió kr. Tað skal samanberast við 801,8 mió kr árið fyri.
Vinningurin fyri hvørt partabrævið minkaði úr 15,5 kr niður í 7,8 kr.
Fíggjarstøðan javnvigaði við 13,2 mió kr í mun til 13,1 mió kr árið fyri. Men netto rentuberandi skuldin vaks úr 1,08 milliardum krónum við árslok 2019 til 1,7 milliardir krónur við árslok í fjør.
Nevndin fer at skjóta upp at gjalda 3,65 í vinningsbýti fyri hvørt partabrævið á aðalfundinum sum verður í apríl.
Øll ársfrágreiðingin hjá Bakkafrost kann lesast á enskum her.
Versnaða úrslitið er longu innroknað í kursin á partabrævinum. Sambært heimasíðuni hjá Bakkafrost er í skrivandi løtu ein lítil minking uppá 0,07% í virðinum.
Regin Jacobsen, stjóri, upplýsir fyri VP, at tíðindaskriv eins og ein føroysk umseting av frágreiðingini hjá nevndarformanninum kemur seinni.
Um tú veitst okkurt, sum VP ikki veit - skriva so til vp@vp.fo