Beiggjarnir hjá Rashford og Alexander-Arnold, Tyler Alexander-Arnold og Dane Rashford, vóru álopnir á eini matstovu í Manchester í gjár.
Tað er bretski miðilin Daily Mail sum fyrstur skrivaði um brutala ránið. Tað hendi klokkan 10.30 fyrrapartin leygardagin lokala tíð sum teir vóru úti og fingu sær ein bita á matstovuni The Little Rock.
Beiggjarnir hjá báðum Onglands- og Premier League-stjørnunum vóru bukaðir av og hóttir við pistól. Báðir vóru illa fyri so teir fóru beinanvegin á Royal Infirmary Hospital.
Ein triði vinur var eisini við og hann var eisini skaddur.
– Til alla lukku fingu teir ikki nakað varandi mein, men teir vóru skakaðir eftirsum gerningsmenninir høvdu vápn. Hetta var ein sjokkerandi uppliving, sigur ein politikelda við miðilin.
Um tú veitst okkurt, sum VP ikki veit - skriva so til vp@vp.fo
