Vinna
Anders Holch Povlsen, sum eigur og er stjóri í Bestseller-samtakinum, er ríkasti maður í Danmark.
Tað vísur ein listi yvir heimsins ríkastu persónar, sum er endurgivin í Bloomberg sambært finans.dk.
Anders Holch Povlsen er nummar 254 á listanum við eini ogn á 53,1 milliardir krónur, meðan Niels Peter Louis-Hansen er nummar 255 við eini ogn á 53 milliardir krónur.
Ovast á listanum liggur Amazon-stovnarin Jeff Bezos, meðan Elon Musk, Bill Gates og Mark Zuckerberg eru nummar 2, 3 og 4, skrivar DR.DK.
Um tú veitst okkurt, sum VP ikki veit - skriva so til vp@vp.fo
