Onnur tíðindi
Starvsfelagið: Nevndin í Starvsfelagnum hevur skipað seg við Biritu Fritleifsdóttir Kjærbæk sum næstforkvinnu. Á aðalfundinum, sum var 4. mars, vóru Birita og Borgný Mohr afturvaldar í nevndina fyri eitt trý ára skeið. Einki mótvalevni var til nevndarsessirnar hjá Borgný og Biritu, sum stóðu fyri vali.
Birita hevur tað seinasta árið verið næstforkvinna í Starvsfelagnum og heldur sostatt fram í sessinum. Tí er eingin broyting í nevndini eftir nevndarvali í ár.
Hini í nevndini eru: Súni Selfoss, formaður, Borgný Mohr, nevndarlimur, Hildigerð Djurhuus, nevndarlimur og Hergeir Staksberg, nevndarlimur.
Um tú veitst okkurt, sum VP ikki veit - skriva so til vp@vp.fo
