Ein 26 ára gamal maður er deyður, eftir at hann mikudagin bleiv álopin av eini bjørn, tá hann var úti á rann á eini fjallagøtu, nærhendis býnum Caldes har norðuri í landinum.
Tað er fyrstuferð nakrantíð, at nakað slíkt er hent í Italia, skriva fleiri lokalir miðlar.
Hetta bjarnaslagið, sum eitt slag av brúnbjørn, er sjaldsamt og hótt, og síðani 1996 hava myndugleikarnir roynt at fingið slagið at nørast í Italia. Eftir tilburðin mikudagin, og eitt annað álop herfyri, tosa tey nú um at tryggja betur, at bjarnir og fólk ikki eru á sama staði, serliga tá bjarnirnar hava ungar.
Um tú veitst okkurt, sum VP ikki veit - skriva so til vp@vp.fo