Hvussu menna vit málið hjá smábørnunum?
Í eina tíð hava vit hoyrt um, at smá sum stór børn eru farin at tosa alt meira saman á enskum máli. Tað er vorðið spennandi at spæla og samskifta á enskum.
Hetta er vandakós, halda vit í felagnum Føroyamál, sum hevur til endamáls at skapa kjak og skipa fyri samstarvi millum tey, ið undirvísa, fáast við og miðla føroyskt mál frá barnagarði til Fróðskaparsetur.
Skrá:
Landsstýrismaðurin í barna- og útbúgvingarmálum, Djóni Nolsøe Joensen, setir tiltakið.
Landsstýriskvinnan í mentamálum, Sirið Stenberg, hevur orðið.
Sissal Maria Rasmussen sigur frá síni gransking um máltøku og orðfeingi hjá smábørnum.
Krista Hvannastein, námsfrøðingur, sigur frá, hvussu hon lesur fyri og saman við børnum á stovni.
Høvi verður at spyrja og at kjakast.
Øll við hesum áhuga eru væl komin at lurta og taka lut í kjaki um hesi viðurskifti.
Vit bjóða drekkamunn.
Felagið Føroyamál
Um tú veitst okkurt, sum VP ikki veit - skriva so til vp@vp.fo
