Onki verður sagt um orsøkina til, at Pauli Trond Petersen leggur frá sær, skrivar KVF.
Men sambært KVF so boðar kommunan frá tí í soljóðandi skrivi í dag:
"Vestmanna Kommuna váttar at Pauli Trond Petersen hevur sent skriv til Bygdarráðið við umbøn um at vera loystir úr starvi sum borgarstjóri. Bygdarráðið fer í næstum at viðgera skrivið frá Paula Trond Petersen."
Varaborgarstjóri í Vestmanna er Bjørg á Rógvi, sum røkti borgarstjórastarvið, meðan Pauli Trond Petersen var í farloyvi herfyri, skrivar KVF.
Um tú veitst okkurt, sum VP ikki veit - skriva so til vp@vp.fo